+ وللطفوله من هالمساحه نصيب "
طفولتي كانت عربجيا ! بمعنى الكلمه .. شعري كان قصير حيل
وينادوني أم خيمه !
كنت البودي قارد حق البزارين
أي هوشه أو فزعه ينادوني هوايتي كانت أجلس بالحوش من العصر لين الليل أنتظر أشوف صرصور
وبس أشوفه أنقز أدعسه !
كل هذا و عمري 6 سنين يمكن ! أولى ابتدائي
اذكر لما رحت أشتري شنطه تهاوشت مع أمي هناك !! كنت ابي شنطه ظهر سلاحف النينجا !
و هي معصبه علي تقول حقت أولاد
آخر شي عصبت وقلت أنا بروح السياره مع بابا واشتريلي اللي تبين خلاص وليتني م سويت كذا
اذكرها لهاليوم , جابت لي ذيك الشنطه اللي لها كفرات 
وعليها صوره باربي
وحلفت ما أداوم < شخباري
+ ليومكم هذا البزارين يتداولون الماضي الاسود بطفولتي
ينادوني أم خيمه و بودي قارد !
و كل م طاحوا بمصيبه جوني يتراكضون